ආදරයේ මකුළු දැල්
හිත පතන රුවම හිතකට නැත හමුවන්නේ
ඇස දකින රුවට ආලය නැත ඇතිවන්නේ
හිතත් පතන ඇසත් දකින රුව ඇති ලදුන්නේ
නොම රැවටී නිසි ආලය හිමි කරගන්නේ
කිහිප දෙනෙක් ඇත තෝරා ගනු කෙලෙසේ
පොත්ත සුදුයි කළුයි කියා ඇති වෙනසේ
හිත පතුලේ ඇති ආලය දැන කෙලෙසේ
වටින හිතක් තෝරාගනු නුඹ සිතුසේ
බලා සිටිය හැක හමුවන බව දැනේ නම්
ඉවස ගනු නොහැක අකමැත්තක් පෙනේ නම්
හැරී බලන්නේ වත් නැත මා කරදරයි නම්
හමු නොවනු පතමි මම ආලය කළේ නම්
කුළුදුල් සිතේ ආදරයේ මකුළු දැලේ
මතක රැසකි හිත පැටලී වෙයි කැළැල්
කදුළු ගලා දියවී බිම වැටෙන කල්
දෑස යොමා නුබ වෙත එහි ගෙවමි කල්
~කහටපිටිය~
~15 කණ්ඩායම~
Post a Comment