සොඳුරුය මිතුදම

හඬන්නට දහසක් හේතු වෙද්දී
සිනාසෙන්නට එක හේතුවක් පෙන්වද්දී
ලොවම අමතක කර සිනාසෙද්දී
පුදුම වුවෙමි එක මව් කුසින් ඉපදුනේ නැතිද කියා

නිතර කෙළිලොල් බස් දොඩද්දී
මගේ හදවත විවර වෙද්දී
සතුට කදුළද ඇයගෙ වෙද්දී
ඔකඳ වුවෙමි ඇය මගෙ මිතුරිය නොවෙද කියා

ඇගේ පැතුමන් බිඳ වැටෙද්දී
මගේ ජය දැක සතුටු වෙද්දී
මගේ සිනහව ඇය පතද්දී
සසල වුවෙමි මගේ තනියට ඔබ ඇතැයි කියා

හදවතින් මා දුක ගයද්දී
කදුළු නෙතඟින් ගලා යද්දී
නිහඬව මට කන් යොමද්දී
පැතුවෙමි සසර පුරා ඔබ මගේ මිතුරියම වන්නට කියා

මෙත්මා පියුමිණී
පරිගණක විද්‍යා හා ඉංජිනේරු දෙපාර්තමේන්තුව