ආදරයත් රස්තියාදුවක්
එක ඉස්කෝලෙ
එක පංතියේ
එකට ඉගෙන ගෙන
එකට පාඩම් කරපු
මම උඹට ෆුල් ටයිම් ලව් කරල
පාට් ටයිම් ඉගෙන ගත්ත
උඹ මට පාට් ටයිම් ලව් කරල
ෆුල් ටයිම් ඉගෙන ගත්ත
මම යන්තං පාස් වෙද්දි
උඹ රෑන්ක් එකක් දාල
මෝරා ඉංජිනියරින් සිලෙක්ට් වෙද්දි
උඹට මාව නොගැලපුනා
ආරංචියි ආරංචියි මැණිකෙ
එහා පන්තියෙ මෝරා සෙට් උන එකත් එක්ක
හෙට අනිද්ද අත් පටලන් මෝරා යන්න ලෑස්තියි කියල
සුභ පැතුම්...
ආ...
කියන්න අමතක වුණා නම්බර් එකත් වැඩ නෑනෙ
මටත් ෆිසිකල් සයන්ස් ආවා,
ඒත් NDT වලට මෝරා එන්නයි ඉන්නෙ
නෑ නෑ බයවෙන්නෙපා...
කුරුලු කූඩු වලට හානි කරන්නෙ නෑ...
මගේ හිතේ
උඹේ ඇස් දෙකේ පාස්වර්ඩ් දාල ලොක් කරපු
පාර්ටිෂන් එකක් තියනව
ඒක ෆෝර්මැට් කරගන්න විතරයි ඕන...
- උවිඳු ඉසංක ජයසිංහ -
NDT ( දෙවන වසර )
Post a Comment