මගහැරුණු නවාතැන
කරදඬු උස්මහත් වෙච්ච දා ඉඳන්
නිමිත්තක් හෙව්වෙ
ගෙදරින් ඈත්වෙලා
කොහෙන් හරි
මොනව හරි බඩට දාගෙන
රැයක් දෙකක්
පිට ඉන්න
ඒත් දැන්
සිකුරාදා වෙනකල්
ඇඟිලි ගැන ගැන ඉන්නෙ
සති අන්තෙ
ගෙදර ඇවිත් අම්ම උයපු
බත් ටිකක් උණුවෙන්ම කන්න
ඉස්කෝලෙ පොතේ කොහෙහරි
තිබ්බ වගේ මතක
සේකරයන් ගෙ කවියක
පද දෙක තුනක්
ලාවට මතක් වෙනව
නිතරම !
"ඇඟපත ගිනියම් දුරලා
කිලිකුණු සෝදා හරින්න
අම්මේ මට ගමට එන්න පාර කියාපන්නේ"
- උවිඳු ඉසංක ජයසිංහ -
NDT ( දෙවන වසර )
Post a Comment